التغير حصل ..... ولسه هيحصل ..... عارفين ايه اللى فاضل ؟
احنا
ايو احنا ! ماحنا مش ملايكه منزهين ... لو احنا ماتغيرناش ! كل حاجه هترجع تانى لعادتها القديمه بعد شهر او سنه او خمسه
احنا اللى هنضمن استمراريه الجديه مش حد تانى ماهو ربنا مش هيغيرنا غير لو اتغيرنا
علشان كده
لازم نتعاهد على تغيير نفسنا قبل ماننسى اننا بنعرف نغير المعاهده من عده نقاط شكلها سهل .... ويمكن ناس تشوفها تافهه كمان ... بس اللى يعرف يلتزم بيها قدام نفسه مش قدام حد تانى .. هايكتشف مع الوقت ان البلد فعلا اتغيرت
1- مش هاجى على حق حد مش هاخد دور مش حد فى اطابور مهما كان الناس مستعجله زى ما اننا مستعجل .
2- هاحترم الناس مش هاشتم حد او اتخانق فى الشارع ومش هستخف برأى حد .
3- مش هاسكت على حقي مهما كان . وهطالب بيه بكل الطرق الحضاريه والسلميه علشان احافظ على حق غيري.
4- مش هاقبل رشوه ومش هدى رشوه لحد حتى لو عشان أخد حقى لآنه حقى ! .
5- مش هكسر أشاره مرور حتى لو مافيش عسكرى واقف وحتى لو الشارع شكله فاضى .
6- مش هارمي حاجه فى الشارع مهما كانت ... الشارع زى البيت زى ميدان التحرير .
7- هاشتغل بجد واطور نفسي واتعلم قد ماقدر لآنى عارف ان بكره مصر حالها هيبقى احسن .
8- هاحافظ على سلامه المنشأت والممتلكات والحدائق العامه .
9- مش هشارك فى الفساد ومش هسكت عليه وهبلغ عن المفسدين عشان يحاسبوهم .
10- مش هاكدب او افتى فى حاجه ماعرفهاش حتى لو كان مكان او اسم شارع .
شكلها سهل بس هى عايزه جديه وايمان وحب لمصر وقبل كل ده
خوف من ربنا
بكده نضمن أن التغيير يحصل
ويستمر
لو كل واحد مقلش هيا هتيجى عليه او وانا مالى وبدا بنسو اكيد هيحس بالتغيير