بشكيلك يا بحر

بشكي همومى للبحر

قال هو ده طبع الاحبه

ليه شايف فى عيونك غرابه

قولت
..
عندي سؤال بس ناقص إجابة

ليه القلوب اللي نحبها دايما بتهجر

وليه الحزن لينا فاتح بابه

قال الكسر ياصاحبى عمره مايجبر

إلا إذا اللي رحل أعلن إيابه

قلت الوفاء بين البشر ليه بيندر

ليه الحبيب دايما سهل إنقلابه

قال البشر طبعه الغدر بس أصبر

الحب موجود حتى بين الاسود بالغابه

دنياك لو تصفي فلابد يوم تكدر

وتشوف شيب العمر بعد الصبابه

خليك حريص تعيش كلك مهابه

قبل مازمنك يكشر ليك نيابه

قلبك ياصاحبى طيب

واللى زيك بين البشر يندر

ماينفع نعيش بطيبتك وسط الديابة

هقولك كلمه وافتكرها ولغيرك خبر
..
ماتقولشى فاهم وعلى الناس اقدر

واميز بقرايتى وكتابى

صدقنى ده زمن اللى خاين واللى يغدر

لوماكنت ديب هتخونك الديابه