بجد هتعمل ايه لو كنت في الموقف ده

حبيت اطرح موضوع
هو شيق شوية وحبيت اعرف ردود افعالكم
ويا ريت تكون بكل صدق وبكل ومن غير بقى مجاملات واذواق
عاااااااااامة الموضوع خاااااااااااص بالشباب شوية
بس عااااااااااامة البنات عادى جدا تقول رأيها
واتمنى انا شخصيا رأآ البنات جدا لانهم هيحسوا بالموضوع اكتر
المهم من غير كتر كلاااااااااااام ومقدمااااااااااات
لو حصل واتعرفت على بنت عن طريق النت او بالاخص منتدى
وكلمتم بعض عن طريق الشاااااات وبعد كدة موبيل
بس مش شوفتم بعض خااااااالص وقعدتم فترة تكلموا بعض
وكااااااانت ديما تتصل بيك انت يا ولد وكان قليل اوى لما انت يا ولد
تتصل بيها لكن هى كتير ولما تسألهااية سر دة
كانت نتقول انا اجتماعية جدا ومش بعرف انسى الناس بسرعة خالص
وبعد فترة اكتشفت من كلامها معاااااااك انها بتحبك جدا جدا جدا
بس هى مش عاوزة تقول لكن كلامها موضح كدة
يعنى زى ما بيقولوا العاشق تفضحة عيووووونة
وفى النهاية قالت لك فعلا انها بتحبك
وبتحبك جدا جدا جدا واوى اوى اوى
بس فى مشكلة
المشكلة اية
1_ان التعارف عن طريق النت وانتم اساسا مش تعرفوا بعض
ولا شوفتم بعض اساسا والمقابلة بينكم معدومة
2_هى من النوع الفرى شوية يعنى مفيش حجاب
المنيى جيب اللبس الكات والميك اب والبرفان والصداقة بين الولاد
والخروج بليل والرجوع متأخر
3_السن انها لسة فى فترة المراهقة ومعظم الدكاترة بيقولوا انة
حب وهمة بنسبة 95فى المية ومتعرفش لما تدخل الجامعة هتحب حد غير ولا لا
4-ان مفيش حد من اهلها يعرف الموضوع خالص مالص هههه
حلوة مالص دى مش كدة بردو
5_ اخر حاجة انها كانت بتحب واحد قبلك ومتعرفش اية اللى حصل بينهم
هى دى المشكلة
يا ترى انت هتعمل اية
ويا ترى يا بنات اية رايكم فى الكلام دة
.
..
.
.
.
.
.
.لو اتغيرت عشاااااااانك بجد واتاكدت من دة
واتغيرت من كل دة وبقت حد تانى
هتحبها ولا لا
طب لو زى ما هى هتعمل اية
انا بجد عاوز اعرف رايكم بصرااااحة
والموضوع على فكرة جااااااد جدا للنقاش
وشبابى وبناتى جدا اتمنى المناقشة
مش الواحد مننا يدخل التوبيك يقرا الكلام ومش يقول ردة
ممكن ومش بعيد ان ردة يفيد ويفيد اوى كمااااااااااان
اتمنى راى كل الناس شباب وبنات
واللى يقول راية يقول لية
واية وجهة نظرة فى اللى قالة
واية وجهزة نظرة فى الموضوع من اولة واخرة
مستنى ردكم

الكلام كله عادى بس نعمل بيه انا قصدى انوا من خلال معرفته بيها ممكن بيعرف ان كانت بتحبه ولا لاء غير كده لما هايشوفها ويعد معاها هايقدر يحدد ان كانت العلاقة دى فاشلة ولا ناجحه و اللى فيه الخير يقدمه ربنا
الاهم
و داع بوداع محدش ساب حبيبه و ضاع

اولا نايس توبيك يا ايمى
ثانيا انا راى ان ده لعب عيال وواضح ان البنت فرى اوى يعنى بصراحه انا لو ولد مش
هحبها خالص وهتبقى مجرد لعبه وبس وهى السبب فى كده وبعدين الشات بكل اشكاله
للصداقه بس مش للحب ازاى حد يحب حد من غير ما يشوفه ويتاكد منه وانا بصراحه بشوف
ان البنت اللى تروح وتقول لولد انها بتحبه غلط اوى فين الادب وحياء البنات
معلش انا عرفه ان انا راى صعب شويه بس انا مقتنعه بيه جدا لانى متربيه على كده

هههههههههههههه والله رأيك يا يويو تمام بس فى ناس كتير فعلا بتحب من الشات من غير ميشوفو بعض مش عارف ازاى بس انا جربت

وانا شايف الموضوع دا يا ايمى تحليه مع اسامه منير الساعه 7 كده ساعه الغروب وشمعتين ودمعتين ونامى واصحى الصبح هتبقى زى الفل ولو حسيتى بصداع اسبريتين هتبقى زى الفل اسيبريتين ايه قولي 10 \20 كده علشان تأسر معاكى

اولا تسلم ايدك يا يويو
وانا مقتنعه جدااااااااا برايك
وانا واحده من الناس استحاله
اني احب واحد عن طريق النت

ثانيا والله يا محمد انا خايفه تطير من ع الكرسي
اللي انت قاعد عليه من كتر الخفه
بجد سكـــــــــــــــــــــــــر

بسم الله الرحمن الرحيم

اولا هرد علي كلامك يا ايمى
تسلم ايدك على الموضوع
وانا شايف ان الكلام ده مش عيب لو هى اتغيرت علشانه
لكن لو فضلت زى ما هى ده اللى عيب وغلط
ثانيا هرد على كلامك يا يويو
مع احترامى لرأيك وكلامك
افهم ان الحياء عند البنات بس ؟؟ ازاى ؟؟
ثالثا العيب مش فى طريقة الحب
العيب فى اللى بيحب لو ما بيعرفش يحب
مش مشكلة اتعرفو على بعض ازاى
انا اعرف ناس اتجوزت بعد ما اتعرفو على بعض فى حادثة عربية

اولا السلام عليكم ورحمه الله
تسلم ايدك ياايمى
انا سمعت عن الحب من اول نظره بس عمرى ماسمعت عن الحب من الشات
المههم انتى مقلتيش راى الولد فيها ايه
بس لو هما اتقبلو وشافو بعض وعرفو بعض وكان الولد فيه مميزات وعيوب والبنت كمان وعرفو يصلحو منها يبقى الف مبروك
بس انا عموما مش بحب الشات اصلا وبعتبره حاجه بنضيع فيها وقتنا لازم اكون عارف انا بكلم مين بس لازم نسال نفسنا عن اهم حاجه
هل سيكون بهذا الحب تضحيات وصدق واخلاص ووفاء او فقط تسلية واضاعة الوقت
انا فى نظرى الحب بيبداء باعجاب وبينتهى بالحب فاانت ازى هتعجب بشخص مشفتهوش خالص

ميرسي اووووووووووي
ع الاهتمام والرد

شكرا لكل اللى رد على كلامى بس انا مقصدش
بحياء البنت ان الولد معندوش حياء بالعكس
لازم يكون عند الاتنين حياء بس بطبيعه البنت بيكون حيائها اكتر
والا مكنش فى فرق بين ولد وبنت واكيد مش ده الفرق الوحيد
بس ده من مميزات البنت

اولا الموضوع حلو

ثانيا اقول وجهة نظرى التى لا تعبر الا عن نفسى فقط المهم انا شايفة ان الشات ده اصلا نسبة كبيرة منه كذب ف كذب كمان لو فعلا البنت زى مابتقولى انها فرى كده يعنى فكة اوى ومفيش رابط يبقى الغلط من الاول ان الشاب يتعرف عليها و لو حصل يبقى النتيجة معروفة ولو هى فى فترة مراهقة وكده يبقى اكيد مشاعرها المذبذة هى اللى بتحركها مش بتبقى مشاعر صادقة يعنى بيبقى الواحد فى الفترة دى هوائى اكتر من انه يبقى عقلانى لانه كمان معندوش تجارب ولا تحكم فى اى افعال بتصدر منه واذا كان فى امثلة على حب الشات ده اكيد فيه بس مش كتير يعنى لا تتعدى نسبة ال 2 فى المية يعنى نسبة لا تذكر
اسفة ع التطويل بس حبيت اشارك برايى وتانى مرة تسلم ايديك يا قمر ع الموضوع الحلو ده

اولا : ناااااااااااااااايس توبيك ياايمى راى ان مافيش حاجه اسمها حب من على الشات لان كل بيكدب وازاى كمان تقول انها بتحبه مش ينفع ولا يصح ابدا ان فى بنت تقول كده لشاب بس دا يرجع لتربيه فى البيت من البدايه وعدم التوجيه و من الواضح انها فهمه الحريه بصورة غلط بنتيجه انها فرى جداااااااااااااا وكمان اللى اعرفه ان نسبه الحب بطريقه دى مافيهاش نجاح الا قليل جدا اما بنسبة فشلها فهى نسبه اكبر جدا من نجاحها وهى كمان فى فترة مراهقه يعنى زى ما قالت يويو لعب عيال ومرة تانيه تسلم ايدك ياقمر

ميرسى يا يويو على ردك

وعلى فكرة ياريت اللى فهم كلامى غلط
انا اقصد بحب على الشات مش من الكلام بس
انا اقصد لو اتقابلو واتعرفو على بعض كويس

ميرسي يا اماني
انتي ونونه
نورتوا التوبيك

الموضوع جميل يا إيمى
هو حب الشات موجود فعلا وبيتم عن طريقه جوازات كتير
انا مش شايفه فيه مشكله بس المهم يكون حقيقى

» طريقه حل الموقف فى البيئه (الفرقه الرابعه)